Khushi ki talash mein ghar se main chal padi ,
Khushi to nahi mili per , ye nazar tumse ja mili…
Dil hai pagal, tumhi ko khushi samajh baitha…
Is Nami ko, tumhare Ankhon ki nami samajh baitha…
Per ise ahsas na tha....
Ek din tumhari nazaro se gir jaungi main…
Tum to pani samajh ke mujhe poonch doge,
Per tumhare bagair tadap ke mar jaungi main…
Per tum mano ya na mano….
Ankhon mein tumhare humesha ye nami rahegi…
Jab bhi kisi aur ko basaoge inmein…
Main chupke se beh jaungi…
Tumhe pata bhi na lagega aur
Tumhari duniya se chali jaungi…
Per mere bad jo nami tumhare aankhon mein base…
Bus wo nami humesha ke liye barkarar rahe
Tumhari in aankhon se wo kabhi na chhalke
na aaye kabhi tumhari aankon mein aansu banke…
Bus issi umeed mein mujhe meri khushi mil jati hai,
Ab main raston mein kya dhoondu use,
Meri khushi to tumhare hoto pe nazar aati hai….
No comments:
Post a Comment