Log

Log hi log, jahan bhi nazar padi;

Bhagte hue, chalte hue aur chillate hue log.

Har chehra pe shikan,

kuchh jeet ka jashan manate,

Kuchh hare hue log...

Yahan har ek ki bemisal kahani hai,

Kisi ke sapno ko pankh mile;

Kisi ki ankhon mein pani hain.

Train mein dhakke khate, aur marcedes mein traffic mein fase log,

Signal mein paise mangte,

Mandir mein Dan dete log.

Taj mein Chai peete, vada paw ki chatkar lagate log,

Choupati pe jashan manate,

Samunder kinare pyar barsate log.

Kuchh na keh ke bhi sath nibhate log,

Saw Wade ker ke bhi, daga de jate log...

Ajeeb Anuthi si hai ye nagri...

2 crore log aur 2 crore tarah ke log...

Nahi

Kuchh bekhabar hain sansein meri,
Tujhse koi nata bhi nahi,
Akeli hai ruh meri,
Aur Tera khayal dil se jata bhi nahi.

Tere jhoot se, dil toota;
Aur ise koi ab jod pata bhi nahi,
Takleef is kadar badh rahi hai,
Aankhein band hoti nahi,aur jiya jata nahi.

Aane se pehle, meri zindagi ke darwaze per,
Bata diya hota, ki har koi sath nibhata nahi.
Do pal ka sath dekar,
Humrahi yunhi koi kehlata nahi...