Zindagi ki kahani kahun,
Ya kahun peheli is sansar ki,
Na jane, manaun apni jeet ka jashn,
Ya sunaun gatha apni har ki...
Jab waqt bohot tha hatho mein,
Aur sapne bade the ankhon mein.
Kharchne ko paise nahi the,
Per sukun to tha, raaton mein.
Ankhon mein ek manjhar tha,
Jo bada sajeela lagta tha.
Hath mein hogi ye puri duniya,
Amber kyun zada neela lagta tha...
Aaj ki mehnat kal ki aish,
Kyun bachpan se sikhaya tha.
Aaj jo sach hai mere samne,
Wo kyun humse chhupaya tha.
Raaton ko jag jag ke padhte the,
Baki ki raatein jagne ke jiye.
Ghar ko peechhe chhod aaye,
Makan ke peechhe bhagne ke jiye...
Maine bola papa se, thak gyi hu main ab,
Thoda sa sukun hi meri, bandagi hai.
Fir mujhse papa bole.
Himmat mat har beta, yahi to zindagi hai...
Aur sabki aisi hi zindagi hai...
